अमरावती-अकोला (Amravati-Akola) हया मार्गाची अतिशय वाइट अवस्था झाली होती, प्रवाशी अक्षरशः या मार्गाला कंटाळले होते. पण हा अमरावती- अकोला राष्ट्रीय महामार्गावरील 75 किलोमीटरचा (75 km road in record break time) रस्ता फक्त पाच दिवसात पूर्ण झाला आणि गिनीज बुक ऑफ वर्ल्ड रेकॉर्ड’ (Guianese book of world records) मध्ये याची नोंद झाली आहे. स्वातंत्र्याच्या अमृत महोत्सवानिमित्त रस्ता निर्मितीचा हा एक ऐतिहासिक, जागतिक विक्रम झाला आहे. काँक्रिटीकरणासह, जगातील सर्वात लांब आणि अखंड अमरावती- अकोला रस्ता निर्मितीची ‘गिनीज बुक ऑफ वर्ल्ड रेकॉर्ड’ मध्ये नोंद झाली आहे.

राष्ट्रीय महामार्गावरील अमरावती- अकोला या रस्त्याचे विक्रमी बांधकाम 3 जूनला सुरू झाले आणि 7 जून रोजी हा 75 किमीचा रस्ता बांधून पूर्ण झाला. राजपथ इन्फ्रास्ट्रक्चर कंपनीकडून या रस्त्याचे बांधकाम करण्यात आले असून या महामार्गावरील लोणी ते बोरगावमंजू या 75 किमी रस्त्याचे बांधकाम बिटूमिनस काँक्रीट पद्धतीने झाले. यावेळी गिनीज बुक ऑफ वर्ल्ड रेकॉर्डचे प्रमाणपत्र देखील देण्यात आले. यावेळी केंद्रीय रस्ते वाहतूक मंत्री नितीन गडकरी (Nitin Gadkari) हे ऑनलाइन पद्धतीने उपस्थित होते.

नितीन गडकरी म्हणाले की, हा एक ऐतिहासिक क्षण आहे. मला या टीमचं अभिनंदन करताना खूप आनंद होत आहे. राजपथ इन्फ्राकॉन प्रायव्हेट लिमिटेड आणि जगदीश कदम यांनी गिनीज वर्ल्ड रेकॉर्ड प्राप्त केल्याबद्दल अभिनंदन. 75 किमी अखंड बिटुमिनस काँक्रीट रस्ता टाकण्याचे काम तुम्ही पूर्ण केलं. तुमच्या चिकाटी आणि कामाच्या बळावर नवे व्हिजन तयार होत आहे. सर्व इंजिनिअर आणि कामगारांचे आभार. संपूर्ण देशाला तुमचा अभिमान आहे. या शब्दात गडकरींनी कौतुक केलं आहे.

Proud Moment For The Entire Nation!

Feel very happy to congratulate our exceptional Team @NHAI_Official, Consultants & Concessionaire, Rajpath Infracon Pvt Ltd & Jagdish Kadam, on achieving the Guinness World Record (@GWR) of laying 75 Km continuous Bituminous Concrete Road… pic.twitter.com/hP9SsgrQ57

— Nitin Gadkari (@nitin_gadkari) June 8, 2022